امت نیوز ڈیسک //
شمالی ضلع بارہمولہ کے قصبہ پٹن میں جمعہ کے روز محکمہ وائلڈ لائف نے ایک تیندوے کو ایک رہائشی مکان میں زندہ پکڑ کر سنچری منتقل کیا۔
جموں و کشمیر پریس سروس کے موصولہ تفصیلات کے مطابق محکمہ وائلڈ لائف نے پٹن کے چندر ہامہ اور اندرگام گاوں میں لوگوں کی جانب سے ایک تیندوے کی موجودگی کی اطلاع موصول ہونے پر ایک ٹیم علاقے کی طرف روانہ کردی۔
بتایا جاتا ہے کہ یہاں علاقے کے لوگوں میں خوف و دہشت کا ماحول پھیل گیا تھا جس کے بعد محکمہ وائلڈ لائف نے علاقے میں تیندوے کو پکڑنے کے لئے ایک جھال بچھایا تھا جس کے بعد محکمہ کی کوششوں کے بیچ تیندوے کو اندرگام گاوں کے ایک رہائشی مکان میں زندہ پکڑ کر اس کو سنچری منتقل کیا گیا ہے۔
ادھر تیندوے کو زندہ پکڑنے کے بعد مقامی لوگوں نے راحت کی سانسیں لی ہے۔
