امت نیوز ڈیسک //
سری نگر // جموں و کشمیر حکومت نے غیر تسلیم شدہ بورڈز سے حاصل کردہ غیر موثر قابلیتی سر ٹیفکیٹس جمع کرانے پر 23 رہبر تعلیم اساتذہ کو نوکریوں سے بر طرف کر دیا ہے۔ تفصیلات کے مطابق، برطرفی کا حکم ڈائریکٹر سکول ایجو کیشن جموں (ڈی ایس ای جے ) روی شنکر شہر مانے جاری کیا ہے جس میں کہا گیا ہے کہ جموں صوبہ کے مختلف اضلاع کے 23 رہبر تعلیم اساتذہ نے ایسے اداروں سے اہلبیتی سرٹیفکیٹس حاصل کی ہیں جنہیں جموں و کشمیر بورڈآف سکول ایجو کیشن نے تسلیم نہیں کیا ہے۔ حکم نامہ کے مطابق، ”رہبر تعلیم اساتذہ کے زیر التوار ریگولرائزیشن کیسز اور 7 فروری 2023 کو منعقدہ آرائی ٹی تصدیقی کمیٹی کی میٹنگ کا جائزہ لینے کے لیے ایک کمیٹی تشکیل دی گئی تھی۔ میٹنگ میں کمیٹی کے اراکین نے مشاہدہ کیا کہ جموں صوبہ کے مختلف اضلاع کے 23 رہبر تعلیم اساتذہ نے اپنی اہمیتی سرٹیفکیٹس ایسے اداروں سے حاصل کی ہیں، جنہیں جموں و کشمیر پور ڈآف اسکول ایجو کیشن ، جموں نے تسلیم نہیں کیا ہے "۔ حکم کے مطابق، یہ بتایا گیا ہے کہ ان بورڈز کو بھارت میں کو نسل آف بورڈز آف سکول ایجو کیشن (COBSE) نے بھی تسلیم نہیں کیا ہے۔ اس کے تناظر میں کمیٹی نے 23 آرای ٹیز کو فوری طور پر بر طرف کرنے کی سفارش کی ہے کیونکہ ان کے پاس مطلوبہ اہلیت کے سرٹیفکیٹ نہیں ہیں۔
