امت نیوز ڈیسک //
سری نگر / / پولیس کا کہنا ہے کہ سٹیٹ انوسٹی گیشن یونٹ (ایس آئی یو) نے پیر کے روز سری نگر میں جنگجووں کو پناہ دینے کے پاداش میں چاررہائشی مکانوں کو قرق کر دیا۔ ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ ایس آئی یو نے پیر کے روز سری نگر کے بر تھا نہ قمرواری اور سنگم عید گاہ علاقوں میں چار مکانوں کو فرق کر دیا۔ انہوں نے کہا کہ قمر واری میں تین جبکہ عید گاہ میں ایک مکان کو قرق کر دیا گیا۔
بیان میں کہا گیا، ان رہائشی مکانوں کے مالک شاہینہ زوجہ محمد یونس ناتھ ، الطاف احمد ڈار ولد محمد عبد اللہ ڈار، مدثر احمد میر ولد محمد سلطان میر ساکنان بر تھانہ قمر واری اور عبد الرحمان بٹ ولد عبد السلام بٹ ساکن سنگم عید گاہ ہیں اور ان مکانوں کو ایگزیکٹیو مجسٹریٹ اور دوسرے گواہوں کی موجودگی میں فرق کر دیا گیا۔ بیان کے مطابق ٹیم نے موقع پر ہی متعلقین کو ہدایات دیں کہ نامز د اتھارٹی کی اجازت کے بغیر قرق شدہ جائیداد میں کوئی تبدیلی نہ کی جائے۔ پولیس بیان میں کہا گیا کہ یہ بات قابل ذکر ہے کہ پولیس اسٹیشن پارمپورہ کو 28 مئی 2022 کو ایک معتبر اطلاع موصول ہوئی تھی جس پر ایک کیس درج کر کے تحقیقات شروع کی گئی تھیں۔ انہوں نے کہا کہ تحقیقات کے دوران لشکر طیبہ کی ذیلی تنظیم ٹی آر ایف کےسر گرم جنگجوؤں کو منطقی سپورٹ فراہم کرنے والے ایک ماڈیول کو ملوث پایا گیا جس کے نتیجے میں ملوثین کو گر فتار کیا گیا۔
بیان میں کہا گیا، تحقیقات کے دوران یہ پایا گیا کہ جنگجو ہوس کو مذکورہ مکانوں میں پناہ دی گئی ہے۔
بیان کے مطابق ان مکانو کو قرق کرنے کے لئے باقاعدہ اجازت حاصل کیا گیا اور اس کے علاوہ 13 ملزموں بشمول ٹی آر ایف کے سر گر مو جنگجوؤں کے خلاف ہائی کورٹ میں چارج شیٹ بھی دائر کیا گیا۔
ترجمان نے جتایا کہ اس کیس کی تحقیقات ہنوز جاری ہیں۔
