امت نیوز ڈیسک //
جموں،03مارچ(یو این آئی)جموں وکشمیر کے انٹیلی جنس چیف آر آر سیوان کی سربراہی میں جموں میں ایک اعلیٰ سطحی میٹنگ منعقد ہوئی جس میں اندرونی اور سرحدوں کی صورتحال پر تبادلہ خیال ہوا۔
اطلاعات کے مطابق انٹیلی جنس چیف آر آر سیوان کی سربراہی میں جموں میں ایک اعلیٰ سطحی میٹنگ منعقد ہوئی۔
ذرائع نے بتایا کہ میٹنگ میں سراغ رساں ایجنسیوں کے سینئر آفیسران نے شرکت کی۔
میٹنگ کے دوران اندرونی علاقوں اور سرحدوں کی صورتحال پر گفت وشنید ہوئی۔
ذرائع نے بتایا کہ میٹنگ کے دوران جموں وکشمیر کی سیکورٹی صورتحال کے حوالے سے سینئر آفیسران نے انٹیلی جنس ہیڈ آر آر سیوان کو جانکاری فراہم کرتے ہوئے بتایا کہ حالات معمول پر آرہے ہیں۔
ذرائع کا کہنا ہے کہ میٹنگ کے دوران سرگرم ملی ٹینٹوں کے خلاف چلائے جارہے آپریشنز، ملی ٹینٹوں کی جائیدادیں ضبط کرنے اور دوسرے اہم معاملات پر بھی گفت وشنید ہوئی۔
