امت نیوز ڈیسک//
سری نگر، 30 اپریل: وقف بورڈ کے چیئرپرسن ڈاکٹر درخشاں اندرابی نے اتوار کو کہا کہ مزارات پر لوگوں کے عطیات اب وقف ملازمین کی تنخواہوں کے لیے استعمال نہیں ہوں گے۔
ٹیگور ہال سری نگر میں تقریب کے موقع پر ایجنسی سے بات چیت کرتے ہوئے اندرابی نے کہا کہ لوگوں کی طرف سے مزارات پر دیے جانے والے عطیات کو صرف مزارات کی ترقی کے لیے استعمال کیا جائے گا۔ ملازمین کی معمولی تنخواہوں کے بارے میں پوچھے جانے پر انہوں نے کہا کہ "اب کے لیے، ہم مزارات پر عطیات (نظر و نیاز) ملازمین کی تنخواہوں کے لیے استعمال نہیں کریں گے۔”
انہوں نے کہا کہ ملازمین کو اس بات پر توجہ مرکوز کرنی چاہئے کہ وقف کے اثاثوں سے کس طرح زیادہ آمدنی ہوگی۔
اندرابی نے مزید کہا کہ ان کی طرف سے وعدہ کیا گیا وائٹ پیپر جلد ہی عام کیا جائے گا۔
انہوں نے یہ بھی کہا کہ وقف کا دن بھی جلد ہی منایا جائے گا جس طرح وزیر اعظم نریندر مودی کی ’من کی بات‘ کے 100ویں ایڈیشن پر کنکلیو کا اہتمام کیا گیا تھا۔
