امت نیوز ڈیسک //
سری نگر: ایک چونکا دینے والے واقعے میں، منگل کی سہ پہر سری نگر کے کاک سرائے کے دریش کدل علاقے میں ایک لڑکی نے ایک شخص پر چاقو سے وار کیا۔
ایک اہلکار نے بتایا کہ آج دوپہر کے وقت دریش کدل علاقے میں ایک لڑکی کے ذریعہ چھرا گھونپنے کے بعد لڑکے کو پیٹ میں چوٹیں آئیں۔
انہوں نے بتایا کہ لڑکے کو علاج کے لیے ایس ایم ایچ ایس اسپتال میں داخل کرایا گیا ہے۔ انہوں نے کہا کہ معاملے کی مزید تفتیش جاری ہے۔
لڑکے کی شناخت سری نگر کے علاقے بمنہ کے عادل احمد کے طور پر ہوئی ہے۔
اہلکار نے مزید کہا کہ لڑکی جرم کرنے کے بعد موقع سے فرار ہوگئی ہے، جبکہ اس کی گرفتاری کی کوششیں جاری ہیں۔
دریں اثناء چیف میڈیکل آفیسر ایس ایم ایچ ایس ڈاکٹر آصف نے بتایا کہ لڑکے کے پیٹ میں چوٹ آئی ہے تاہم اس کی حالت مستحکم ہے۔
