*سرینگر کے کاک سرائے میں لڑکی کے وار سے لڑکا زخمی* *پیٹ میں چوٹ آئی ہے، ان کی حالت مستحکم ہے: سی ایم او ایس ایم ایچ ایس*

امت نیوز ڈیسک//

سری نگر، 02 مئی: ایک چونکا دینے والے واقعے میں، منگل کی سہ پہر سری نگر کے کاک سرائے کے دریش کدل علاقے میں ایک لڑکی نے ایک شخص پر چاقو سے وار کیا۔

ایک اہلکار نے خبر رساں ایجنسی کو بتایا کہ لڑکے کو آج دوپہر کے وقت دریش کدل علاقے میں ایک لڑکی کی طرف سے چھرا گھونپنے کے بعد اس کے پیٹ میں چوٹیں آئیں۔

انہوں نے بتایا کہ لڑکے کو علاج کے لیے ایس ایم ایچ ایس اسپتال میں داخل کرایا گیا ہے۔ انہوں نے کہا کہ معاملے کی مزید تفتیش جاری ہے۔

لڑکے کی شناخت سری نگر کے علاقے بمنہ کے عادل احمد کے طور پر ہوئی ہے۔

اہلکار نے مزید کہا کہ لڑکی، جرم کرنے کے بعد، موقع سے فرار ہو گئی ہے، جب کہ اسے پکڑنے کی کوششیں جاری ہیں۔

دریں اثناء چیف میڈیکل آفیسر ایس ایم ایچ ایس ڈاکٹر آصف نے کے این او کو بتایا کہ لڑکے کے پیٹ میں چوٹ آئی ہے تاہم اس کی حالت مستحکم ہے۔