امت ڈیسک
سری نگر، 10 مئی: پلوامہ ضلع کے ترال قصبے میں بدھ کی صبح آگ لگنے کے واقعے میں ایک جامع مسجد جل کر خاکستر ہوگئی۔
ایک اہلکار نے خبر رساں ایجنسی کو بتایا کہ ترال قصبے کی جامع مسجد نور الاسلام میں آگ لگ گئی جس کے بعد مقامی افراد، پولیس اور فائر ٹینڈر نے موقع پر پہنچ کر آگ کو قریبی علاقے تک پھیلنے سے روکا اور آگ پر قابو پالیا۔
انہوں نے کہا کہ مسجد کو بڑے پیمانے پر نقصان پہنچانے کے بعد آگ پر قابو پالیا گیا ہے۔
ابتدائی اطلاعات میں آگ لگنے کی وجہ شارٹ سرکٹ بتائی جا رہی ہے جبکہ مزید تفتیش شروع کر دی گئی ہے، انہوں نے کہا۔
