امت نیوز ڈیسک //
ضلع بارہمولہ کے سوپور علاقے میں ایک نوجوان بجلی کرنٹ لگنے کے 11 دن بعد سرینگر کے اسپتال میں زندگی کی جنگ ہار گیا۔
جموں و کشمیر پریس سروس کے موصولہ تفصیلات کے مطابق 26 سالہ دانش احمد ولد خضر محمد بٹ ساکن بادام باغ سوپور 7 مئی 2023 کو سوپور ٹاؤن میں ایک آرمی کیمپ میں سی سی ڈی وی انسٹال کر رہا تھا کہ بجلی کرنٹ لگنے سے دانش شدید طور پر زخمی ہوا جس کا علاج سرینگر کے اسپتال میں جاری تھا اور 18 مئی بروز جمعرات دانش زخموں کی تاب نہ لاتے ہوئے زندگی کی جنگ ہار گیا۔
معاملے کی نسبت کیس پہلے ہی پولیس اسٹیشن میں درج ہے جبکہ اس دوران انتظامیہ نے مرحوم کے لواحقین کے ساتھ ہمدردی کا اظہار کرتے ہوئے ہر ممکن مدد کرنے کی یقین دھانی کرائی۔
