امت نیوز ڈیسک //
بڈگام میں عجیب و غریب واقعہ میں دو فرضی عاملوں نے پیسے دوغبے کربے کا جھانسہ دے کر ماں بیٹی سے ستر ہزار روپے لوٹ کر فرار ہوگئے ہیں۔ اطلاعات کے مطابق متاثرہ خاتون نے اپنی بیٹی کی شادی کے لیے 70,000 روپے کی رقم جمع کی تھی۔ یہ واقعہ 9 محرم کو ضلع بڈگام کے زرگنڈ میں پیش آیا ہے۔
سلیمہ بانو زوجہ مرحوم غلام محمد ڈار نے بتایا کہ دو افراد ان کے گھر میں اس دعوے کے ساتھ داخل ہوئے کہ وہ گھر میں رکھی رقم کو دوگنا کرتے ہیں۔ اُنہوں نے کہا، دونوں نے دعوی کیا کہ وہ لوگوں کی پریشانیوں کو کم کرنے کے لیے تعویذ فراہم کرتے ہیں اور ان کا علاج کرتے ہیں۔ وہ ہمیں بتانے لگے کہ ان کے تمام مسائل حل ہو جائیں گے جب کہ ان میں سے ایک نے میری والدہ سے پوچھا کہ انہوں نے اپنی بیٹی کی شادی کے لیے رقم کہاں رکھی ہے؟”۔
اُنہوں نے کہا کہ گھر میں ہم دو ہی تھے۔ میری ماں نے ان پر بھروسہ کیا اور امید ظاہر کی کہ وہ پیسے دو گنا کر دیں گے۔ انہوں نے 70 ہزار روپے ان کے حوالے کر دیئے۔ پتہ نہیں پھر کیا ہوا، میں ان کے لیے چائے بنانے کمین میں چلی گئی۔ جب میں واپس آئی تو انہوں نے 10 روپے کے نوٹوں کا
دھاگے سے بندھا ایک وزنی پیکٹ میرے حوالے کیا۔ متاثرہ خاتون نے کہا کہ ان میں سے ایک نے مجھے یہ پیکٹ 9 دن کے بعد کھولنے کو کہا۔ "میں نے پیکٹ کا وزن چیک کیا اور سوچا کہ پیسے ہیں لیکن آج جب ہم نے اسے کھولا تو کاغذ کے ٹکڑے تھے ”۔ انہوں نے کہا کہ انہوں نے پولیس تھانہ میں شکایت درج کرائی ہے۔ متاثرہ سلیمہ نے بتایا کہ اس سے لوٹے گئے پیسے اس کی بیٹی کی شادی کے لیےجمع کئے گئے تھے۔ایک اہلکار نے بتایا کہ سی سی ٹی وی فوٹیج حاصل کر لی گئی ہے اور دونوں ٹھگوں کو پکڑنے کی کوششیں جاری ہیں۔
