امت نیوز ڈیسک //
سری نگر، 30 نومبر: جنوبی کشمیر کے پلوامہ ضلع کے آری ہل علاقے میں جاری تصادم میں ایک جنگجو مارا گیا۔
خبر رساں ایجنسی کشمیر اسکرول تک پہنچنے والی رپورٹوں میں کہا گیا ہے کہ آری ہل علاقے میں عسکریت پسندوں کی موجودگی کی اطلاع ملنے پر سیکورٹی فورسز نے علاقے کو گھیرے میں لے کر تلاشی آپریشن شروع کیا۔
عسکریت پسندوں نے سیکورٹی فورسز پر فائرنگ کی جس کے بعد انکاؤنٹر شروع ہو گیا۔ فائرنگ کے ابتدائی تبادلے میں اب تک ایک جنگجو مارا گیا ہے۔
ایک اعلیٰ پولیس افسر نے کشمیر اسکرول کو جاری تصادم میں ایک عسکریت پسند کے مارے جانے کی تصدیق کی ہے۔ (کشمیر اسکرول)