امت نیوز ڈیسک //
پولیس نے بارہمولہ میں ایک نارکو ماڈیول کا پردہ فاش کرتے ہوئے خاتون سمیت 5 منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کی ہیں۔ پولیس کے ایک پریس بیان کے مطابق پولیس اسٹیشن بارہمولہ کی ایک پولیس پارٹی نے ایس ایچ او بارہمولہ کی سربراہی میں کرالہار بارہمولہ میں قائم ایک چوکی پر ایک گاڑی ٹاٹا وینچر کی رجسٹریشن نمبر JK05D-3072 کو روکا جس میں ایک خاتون سمیت پانچ افراد سوار تھے۔
تلاشی کے دوران ان کے قبضے سے 45 گرام ممنوعہ براؤن شوگر اور 345 گرام چرس برآمد ہوئی۔ ان کی شناخت شارق احمد شیخ ولد عبدالرشید، شریف احمد شیخ ولد بشیر احمد، عرفان احمد شیخ ولد مشتاق احمد، مسکان بانو زوجہ عرفان احمد ساکنان دیوان باغ بارہمولہ اور باقر احمد راتھر ولد عبدالقیوم راتھر ساکنہ چندسومہ کانسپورہ کی طور پر ہوئی ہے کو گرفتار کر کے پولیس تھانہ بارہمولہ منتقل کر دیا گیا ہے۔
اس سلسلے میں پولیس نے مقدمہ درج کرکے تحقیقات شروع کردی گئی ہے۔
