امت نیوز ڈیسک //
سری نگر، 14 جنوری: سری نگر میں 50 سال بعد جنوری کا دوسرا سب سے زیادہ درجہ حرارت 13 جنوری کو 15 ڈگری سیلسیس ریکارڈ کیا گیا جب کہ اتوار کو کم سے کم درجہ حرارت منفی 4.2 تھا۔ محکمہ موسمیات نے کہا، "طویل خشک موسم کی وجہ سے، سری نگر کے لیے جنوری کے مہینے کے دوران گزشتہ 50 سالوں کے دوران 13 جنوری کو 15 ڈگری سینٹی گریڈ ریکارڈ کیا گیا تھا، جب کہ اب تک کا ریکارڈ 17.2 ڈگری درج حرارت 23جنوری 1902کو درج کیا گیاتھا۔
گلمرگ میں اتوار کو کم سے کم درجہ حرارت منفی 1.2 اور پہلگام میں منفی 5.5 تھا۔
لداخ کے علاقے لیہہ میں رات کا سب سے کم درجہ حرارت منفی 5.9، کارگل منفی 12.6 اور دراس منفی 9.8 تھا۔ جموں شہر میں اتوار کو اس موسم کا سب سے کم ترین درجہ حرارت 2.5، کٹرہ 5.4، بٹوٹ 3.9، بھدرواہ 1.1 اور بانہال منفی 0.8 تھا۔
سخت سردی کا 40 دن کا طویل دورانیہ جسے ’چلہ کلاں‘ کہا جاتا ہے یہاں 21 دسمبر کو شروع ہوا اور 30 جنوری کو ختم ہو گا۔
