امت نیوز ڈیسک //
شمالی کشمیر کے بانڈی پورہ ضلع کے سنبل علاقے میں ایک سڑک حادثے میں زخمی ہونے والا 26 سالہ نوجوان بدھ کی صبح تین ماہ بعد زخموں کی تاب نہ لاتے ہوئے چل بسا۔
سری نگر کی خبر رساں ایجنسی- کشمیر نیوز آبزرور (کے این او) نے حکام کے حوالے سے بتایا کہ نوجوان سڑک حادثے میں اس وقت زخمی ہوا جب ایک تیز رفتار ٹپر نے اس کی موٹرسائیکل سے ٹکر مار دی جس سے اس کی حالت تشویشناک ہے۔
اہلکار نے مزید کہا، "وہ ایک ماہ سے زیادہ عرصے سے سکمز صورہ میں زیر علاج تھا، اور آج صبح، وہ زخموں کی تاب نہ لاتے ہوئے چل بسا۔” اہلکار نے متوفی کی شناخت عاشق حسین رائنہ ولد معراج الدین رائنا ساکن گنڈ پورہ بانڈی پورہ کے طور پر کی ہے۔ اہلکار نے یہ بھی کہا کہ اس سلسلے میں متعلقہ قوانین کے تحت ایک کیس پہلے ہی درج کیا گیا ہے۔
