امت نیوز ڈیسک //
بارہمولہ : گلمرگ کے کنگڈوری علاقہ میں جمرات کے روز ایک برفانی تودا گر آیا۔برفانی تودے کی زد میں 6غیر ملکی اسکائیر آئے تھے۔ اس دوران مقامی اسکائیر اور پولیس نے ریسکو آپریشن چلایا ہے۔ریسکیو آپریشن کے دوران ایک غیر ملکی سکائیر کی لاش برآمد ہوئی، اس کے علاوہ 6 غیر ملکی اسکائیر کو بچایا گیا۔ دریں اثنا واقعے کے فوراً بعد وسیع پیمانے پر بچاؤ کارروائیاں شروع کی گئی ہیں اور چاپرس کو بھی کام پر لگا دیا گیا ہے۔
حکام نے بتایا کہ روسی اسکائیرز کی ٹیم گلمرگ کے کھلن مرگ علاقہ میں ایک برفانی تودے کی زد میں آگئی۔ انہوں نے کہا کہ اس دوران ایک اسکائیر کی موت ہوگئی ہے، جبکہ پانچ اسکائیر اور ایک مقامی گائیڈ کو بچا کر ہستال لے جایا گیا۔
اس حوالے سے سُنو اسکی ریسکو ٹیم کے منظور احمد نے بتایا کہ ایک مقامی گائیڈ نے انہیں بتایا کہ کھلن مرگ میں سائز 3 کا برفانی تودا گر آیا ہے۔انہوں نے کہا کہ مقامی گائیڈ نے بتایا کہ اس برفانی تودے میں ایک اسکائیر کی موت واقع ہوئی، جبکہ 4 – 5 لوگوں کو ریسکیو ٹیم کو زندہ نکالا ہے۔ انہوں نے کہا کہ جس اسکائیر کی موت واقع ہوئی وہ ایک غیر ملکی ہے۔انہوں نے کہا کہ علاقہ میں ریسکیو ٹیم کی جانب سے سرچ آپریشن جاری ہے۔
وہیں جموں وکشمیر سپورٹس کونسل کا کہنا ہے کہ گلمرگ میں کھیلو انڈیا سرمائی کھیلوں میں حصہ لے رہے تمام کھلاڑی محفوظ ہیں۔انہوں نے کہا کہ کھلاڑیوں کے تحفظ کو یقینی بنانے کے لئے تمام احتیاطی اقدام کئے گئے ہیں۔
کونسل کا یہ بیان گلمرگ میں جمعرات کی دوپہر کو ایک بھاری بھر کم برفانی تودا گر آنے کے پیش نظر سامنے آیا ہے۔کونسل نے ‘ایکس’ پر ایک پوسٹ کے ذریعے جانکاری فراہم کرتے ہوئے کہا کہ آج دوپہر کو گلمرگ کے کھلن مرگ علاقے میں گر آنے والے برفانی تودے سے کھیلو انڈیا سرمائی کھیلوں میں اسکائی اور سنوبورڈ میں حصہ لینے والے کھلاڑی متاثر نہیں ہوئے ہیں۔انہوں نے کہا کہ اس سلسلے میں تمام ضروری احتیاطی اقدام کئے گئے ہیں۔
واضح رہے کہ گزشتہ روز گلمرگ میں کھیلو انڈیا ونٹر گیمز کا چوتھا ایڈیشن شروع ہوا ہے۔ اس کھیل ایونٹ میں ملک کے مخلتف ریاستوں اور یو ٹی سے تقریباً 400 کھلاڑی شرکت کر رہے ہیں ۔ وہیں کھیل مقابلوں کو خوش اسلوبی سے منعقد کرانے کے لیے جموں و کشمیر انتظامیہ و جموں و کشمیر اسپورٹس کونسل نے خاطر خواں انتظامات کیے ہیں۔
