امت نیوز ڈیسک //
7 مارچ یعنی کل وزیراعظم نریندر مودی سرینگر کا دورہ کرنے والے ہیں اور اس سلسلے میں بخشی سٹیڈیم میں ایک بڑی عوامی ریلی سے خطاب بھی کریں گے جبکہ کئی اہم پروجیکٹوں کا افتتاح بھی کریں گے ۔
اس سلسلے میں وزیر اعظم نے ایک ٹویٹ میں لکھا کہ” کل 7 مارچ کو سری نگر میں ’’وکست بھارت وکست جموں کشمیر‘‘ پروگرام میں حصہ لیں گے۔ مختلف ترقیاتی کام بھی قوم کے لیے وقف کیے جائیں گے۔ ان میں قابل ذکر زرعی معیشت کو فروغ دینے سے متعلق 5000کروڑ روپے سے زیادہ مالیت کے کام ہیں۔ سیاحت سے جڑے مختلف کام بھی قوم کے نام وقف کیے جائیں گے۔“
