امت نیوز ڈیسک //
سری نگر، 31 مارچ : سری نگر کے زینہ کدل علاقے کے قریب جمعرات کی دیر شام دریائے جہلم میں چھلانگ لگانے والے ایک شخص کی لاش کو نکالنے کے لیے سرچ آپریشن تیسرے دن میں داخل ہو گیا ہے، حکام نے اتوار کو بتایا۔
ایک اہلکار نے نیوز ایجنسی – کشمیر نیوز آبزرور کو بتایا کہ تلاشی مہم کے لیے ہندوستانی بحریہ کے مارکوس کمانڈوز کو بھی شامل کیا گیا ہے۔
انہوں نے بتایا کہ زکورہ، سری نگر کے فاروق احمد شانگلو (60) نے جمعرات کی دیر شام زینہ کدل کے قریب دریائے جہلم میں چھلانگ لگا دی۔
انہوں نے کہا کہ "اس کے فوراً بعد ایس ڈی آر ایف اور ریور پولیس نے تلاشی مہم شروع کی، لیکن وہ لاش کو تلاش نہیں کر سکے۔ آج مارکوس بھی اس آپریشن میں شامل ہوا،‘‘- (کے این او)
