امت نیوز ڈیسک //
امریکہ کی 15 ریاستوں میں مکمل سورج گرہن (یعنی چاند 100 فیصد سورج کے سامنے آجائے گا) کا مشاہدہ 4 منٹ 20 سیکینڈ تک کیا جاسکے گا۔
واشنگٹن: سال 2024 کا پہلا سورج گرہن آج 8 اپریل کوہوگاجو اگلے 20 سال تک دوبارہ دکھائی نہیں دے گا۔
لائیو سائنس کے مطابق رواں سال سورج گرہن کا آغاز میکسیکو سے ہوگا جہاں سے شمال مشرقی سمت میں امریکہ کی جانب سے سفر کرتا ہوا کینیڈا کے مشرقی صوبوں میں اختتام پذیر ہوگا۔
امریکہ کی 15 ریاستوں میں مکمل سورج گرہن (یعنی چاند 100 فیصد سورج کے سامنے آجائے گا) کا مشاہدہ 4 منٹ 20 سیکینڈ تک کیا جاسکے گا۔
برصغیر میں رات ہونے کے سبب اس کا مشاہدہ نہیں کیا جاسکے گا، البتہ مغربی یورپ، جنوبی امریکہ، اٹلانٹک سمیت دیگرمقاما ت پرسورج گرہن دکھائی دے گا۔
میڈیا رپورٹس کے مطابق محکمہ موسمیات کا کہنا ہے کہ سورج گرہن کا آغاز ہندوستانی وقت کے مطابق 8اپریل کو رات 9بجکر 12منٹ پر ہوگا۔. 10 بجکر 8 منٹ پرسورج گرہن عروج پر ہوگا-
سورج گرہن کا اختتام 9اپریل کو رات 2بجکر 22 منٹ پر ہوگا۔دنیا میں آخری بار مکمل سورج گرہن دسمبر 2021 میں ہوا تھا مگر اس کا مشاہدہ صرف انٹارکٹیکا میں ہوا تھا۔
