امت نیوز ڈیسک //
جموں: جموں خطہ کو کشمیر سے ملانے والی مغل روڈ پر دو ماہ بعد گاڑیوں کی آمدورفت دوبارہ بحال کردی جائے گی۔ ضلع ترقیاتی کمشنر پونچھ یاسین محمد چوہدری نے کہا کہ مغل روڈ پر گاڑیوں کی آمدورفت دوبارہ کرنے کے سلسلے کام زوروں پر جاری ہے۔ اس کے لیے حکم نامہ جاری کیا گیا ہے۔ فی الحال ون وے ہوگا۔
انہوں نے کہا کہ پیر کو گاڑیوں کی نقل و حرکت میں تیز لانے کا منصوبہ ہے۔ غور طلب ہے کہ 26 جنوری کو شدید برف باری کے بعد مغل روڈ پر گاڑیوں کی آمدورفت روک دی گئی تھی۔ اس کی وجہ سے راجوری اور پونچھ اضلاع کے لوگوں کو کشمیر کا سفر کرنے میں کافی مشکلات کا سامنا کرنا پڑا۔ برف ہٹانے کا کام دو روز قبل مکمل کیا گیا تھا۔
بعض مقامات پر پہاڑوں سے گرے ملبے کو ہٹانے اور سڑک کا معائنہ کرنے کے بعد عہدیداروں نے اپنی رپورٹ ضلع ترقیاتی کمشنر پونچھ یاسین محمد چودھری کو پیش کی۔ اس کے بعد انہوں نے پیر سے راستہ کھولنے کے احکامات جاری کر دیے۔ حکم نامے میں کہا گیا ہے کہ پہلے گاڑیوں کی یک طرفہ آمدورفت ہوگی اور اس کے بعد دونوں اطراف سے گاڑیوں کی آمدورفت شروع کی جائے گی۔
