امت نیوز ڈیسک //
پلوامہ: جنوبی کشمیر کے ضلع پلوامہ کے فراسی پورہ میں عسکریت پسندوں اور فوج کے دوران جھڑپ میں ایک عسکریت پسند ہلاک ہوگیا ہے۔تفصیلات کے مطابق سکیورٹی فورسز کو فراسی پورہ پلوامہ میں عسکریت پسندوں کی موجودگی کے بارے میں ایک مصدقہ اطلاع ملی تھی، جس کے فوج کی 53 راشٹریہ رائفلز ،سی آر پی اور پولیس نے علاقے کو مشترکہ طور پر محاصرے میں لیا اور تلاش کارروائی شروع کردی۔ تلاشی کے دوران چھپے بیٹھے عسکریت پسندوں نے فوج پر گولیاں چلائی جس کے بعد علاقہ میں فوج اور عسکریت پسندوں کے درمیاں گولیوں کا تبادلہ شروع ہوا۔ دونوں اطراف سے کچھ دیر تک گولیوں کا تبادلہ رہا ۔ تازہ تفصیلات کے مطابق اس چھڑپ میں ایک عسکریت پسند ہلاک ہوگیا ہے۔
وہیں ذرائع سے اس عسکریت پسند کی شناخت سرینگر کے دانش اعجاز ولد عجاز احمد کے بطور ہوئے ہے دانش احمد کی عمر تقریباً 34 سال کی تھی جبکہ انہوں نے حال ہی میں عسکریت پسندوں کے صفوں میں شامل ہوئے تھے،جس کی گمشدگی کی رپورٹ بھی سرینگر پولیس اسٹیشن میں درج کی گئی تھی۔ پولیس کی جانب سے ابھی تک اس کی تصدیق نہیں ہوئی ہے۔ پولیس کے مطابق انکاؤنٹر سائٹ سے اسلحہ و گولہ بارود اور قابل اعتراض مواد بر آمد کیا گیا۔
یہ بات قابلِ ذکر ہے کہ ضلع پلوامہ میں تقریباً ایک سال بعد عسکریت پسندوں اور فوج کے دوران جھڑپ ہوئی وہی گزشتہ روز ضلع شوپیان میں نامعلوم افراد کی جانب سے ایک غیر مقامی ٹورسٹ گائیڈ پر حملہ کیا گیا،جس دوران وہ زخمی ہوا تھا۔
یاد رہے کہ یہ انکاؤنٹر ایک ایسے وقت میں شروع ہوا ہے جب لوک سبھا انتخابات 2024 کے پیش نظر وادی کشمیر میں سیاسی سرگرمیوں عروج پر ہیں۔ انتخابی سرگرمیوں میں کسی بھی طرح کے خلل کی روک تھام اور عوام کے تحفظ کے لیے سکیورٹی فورسز وادی کشمیر میں الرٹ پر ہیں۔
