امت نیوز ڈیسک //
سری نگر، 07 مئی : پولیس نے منگل کو کہا کہ اس نے شمالی کشمیر کے بارہمولہ ضلع میں پاکستان میں مقیم سات عسکریت پسندوں کی جائیداد ضبط کر لی ہے۔
جی این ایس کو دیے گئے ایک بیان میں، پولیس نے کہا کہ بارہمولہ میں ایڈیشنل سیشن کورٹ بارہمولہ کے ذریعے اٹیچمنٹ آرڈر حاصل کرنے کے بعد پاکستان میں مقیم شبیر احمد صوفی ولد گل صوفی ساکنہ شیخ پورہ
، غلام نبی ولد محمد سلطان ساکنہ واری پورہ پائین، غلام نبی شیخ ولد غلام محی الدین ساکنہ وارپورہ بالا، شریف الدین چوپان ولد ستار چوپان، گلا شیخ ولد غلام محمد ساکنان ریشی پورہ اتھوڑہ، محمد رفیق خان ولد عبدالاحد ساکنہ سلوسہ اور عبدالحمید پرے ولد محمد اکبر ساکنہ فراستھر تلگام کی لاکھوں مالیت کی جائیداد (13 کنال) اراضی ضبط کر لی گئی۔
پولیس کے مطابق، یہ کارروائی 88 سی آر پی سی کے سیکشن کے تحت کی گئی ہے اور اس کا تعلق ایف آئی آر نمبر 04/2008 u/s 2/3 EIMCO ایکٹ، 121 RPC، 7/25 IA ایکٹ، 13 UA (P) ایکٹ پولیس تھانہ کریری سے ہے۔
انہوں نے کہا۔ پولیس کی طرف سے کی گئی تفتیش/انکوائری کے دوران اس پراپرٹی کی شناخت ملی ٹینٹوں سے تعلق رکھنے والوں کی تھی۔ بیان میں کہا گیا ہے کہ آپریشن ملی ٹینسی کی سرگرمیوں سے نمٹنے کے لیے پولیس کے عزم کی تصدیق کرتا ہے۔(جی این ایس)
