امت نیوز ڈیسک //
پلوامہ: مرکز کے زیر انتظام یوٹی جموں و کشمیر میں تنظیم جماعت اسلامی پر پابندی عائد ہے۔ یہ تنظیم کسی بھی سیاسی و غیر سیاسی سرگرمی میں حصہ نہیں لے سکتی ہے۔ اس سلسلے میں جماعت اسلامی کے پینل ہیڈ غلام قادر وانی نے میڈیا کے ساتھ بات چیت میں کہا کہ عوام کے ساتھ ساتھ حکومت کو غلط فہمی ہے کہ جموں و کشمیر میں جو حالات خراب تھے جماعت اسلامی اس کی ذمہ دار ہیں.
غلام قادر وانی نے مزید کہا کہ جماعت اسلامی نے معاشرے کی بہتری کے لئے کئی کام کئے ۔معاشعرے پر اس کا اچھا خاصا اثر تھا۔ لیکن اس کے خلاف پروپگنڈا کیا جاتا کہ الیکشن بائیکاٹ جماعت اسلامی کے کہنے پر ہوتا تھا لیکن ایسا نہیں تھا۔ ہم نے کھبی بائیکاٹ کے ساتھ نہیں تھے۔ جمہوری طریقہ سے سارے مسائل کو حل کرنے پر یقین رکھتے ہیں۔
انہوں نے مزید کہا کہ جماعت اسلامی پر پابندی عائد کی گئی ہے جس کی وجہ سے وہ جمہوری عمل کا حصہ نہیں سکتے ہیں۔ انہوں نے کہا کہ جماعت اسلامی پر پابندی ختم ہونے کے بعد ہم فیصلہ کرسکتے کہ ہم انتخابات میں حصہ لے گے یا نہیں۔ اگر خالات نے اجازت دی تو ہم انتخابات میں حصہ لے گے ۔ہم اپنی روایات کو بحال کریں گے۔ انہوں نے کہا کہ جماعت اسلامی آنے والے سبھی انتحابات میں حصہ لیں گے۔
