امت نیوز ڈیسک //
سری نگر، 25 مئی:- جنوبی کشمیر کے کولگام ضلع کے نیپورہ علاقے میں ہفتہ کی دوپہر کو ایک سڑک حادثے میں پنجاب کے چار باشندوں کی موت ہو گئی، جب کہ تین شدید زخمی ہو گئے۔
خبر رساں ایجنسی کے این او نے ایک اہلکار کے حوالے سے اطلاع دی ہے کہ قاضی گنڈ سے سری نگر جا رہی ایک اسکارپیو گاڑی نپورہ علاقے میں گرڈ اسٹیشن کے قریب سڑک سے لڑھک گئی۔ انہوں نے کہا کہ جب یہ واقعہ پیش آیا تو گاڑی میں سات سیاح – سبھی پنجاب کے ضلع موگا کے سوار تھے۔ انہوں نے کہا، "زخمیوں کو جی ایم سی اسپتال اننت ناگ منتقل کیا گیا، جہاں چار کو مردہ قرار دیا گیا اور تین کی حالت نازک بتائی جاتی ہے۔” پولیس نے واقعہ کا نوٹس لے لیا ہے۔
