امت نیوز ڈیسک //
اسلام آباد: پاکستان کے سابق وزیر اعظم نواز شریف نے اعتراف کیا کہ اسلام آباد نے ہندوستان کے ساتھ 1999 میں کئے گئے معاہدے کی خلاف ورزی کی تھی۔ شریف نے یہ انکشاف مسلم لیگ ن کی جنرل کونسل کے اجلاس کے دوران کیا۔ انہوں نے ملک کی سپریم کورٹ کی جانب سے نااہلی کے چھ سال بعد حکمران جماعت کے صدر کا عہدہ سنبھالا۔
سابق وزیراعظم نواز شریف کا کہنا تھا کہ ’28 مئی 1998 کو پاکستان نے پانچ ایٹمی تجربات کئے تھے۔ اس کے بعد سابق وزیراعظم واجپائی صاحب یہاں آئے اور ہم سے معاہدہ کیا لیکن ہم نے اس معاہدے کی خلاف ورزی کی۔ یہ ہماری غلطی تھی۔
نواز شریف نے جس معاہدے کا حوالہ دیا وہ ‘لاہور اعلامیہ’ تھا، جس پر انہوں نے اور اس وقت کے ہندوستانی وزیر اعظم اٹل بہاری واجپائی نے 21 فروری 1999 کو ہندوستان اور پاکستان کے درمیان امن اور استحکام کو فروغ دینے کے مقصد سے دستخط کئے تھے۔ تاہم، دستخط کے فوراً بعد، پاکستانی فوجی جموں و کشمیر کے ضلع کرگل میں گھس آئے۔ جس کی وجہ سے کارگل جنگ ہوئی تھی۔
مسلم لیگ (ن) کی جنرل کونسل کے اجلاس کے دوران شریف نے کہا کہ انہوں نے امریکہ کے دباؤ کے باوجود ایٹمی تجربہ کیا اور سابق وزیراعظم عمران خان کو تنقید کا نشانہ بنایا۔ اس وقت کے امریکی صدر بل کلنٹن نے پاکستان کو ایٹمی تجربات سے روکنے کے لیے 5 ارب ڈالر کی پیشکش کی تھی لیکن میں نے انکار کر دیا۔
اگر (سابق وزیراعظم) عمران خان جیسا شخص میری سیٹ پر ہوتا تو وہ کلنٹن کی پیشکش قبول کر لیتا۔ شریف نے یہ بات ایک ایسے دن کہی جب پاکستان نے اپنے پہلے جوہری تجربے کی 26ویں سالگرہ منائی جارہی ہے۔ شریف نے دعویٰ کیا کہ 2017 میں عمران خان کی حکومت گرانے کے پیچھے آئی ایس آئی کے سابق سربراہ جنرل ظہیرالاسلام کا ہاتھ تھا۔
