اروناچل میں بی جے پی اقتدار میں بنی رہے گی، سکم میں ایس کے ایم نے اکثریت کا ہندسہ عبور کیا

امت نیوز ڈیسک //
نئی دہلی: ملک کی شمال مشرقی ریاستوں سکم اور اروناچل پردیش کے اسمبلی انتخابات 2024 کا فیصلہ آج ہوگا۔ ان ریاستوں کی اسمبلی نشستوں کے لیے ووٹوں کی گنتی جاری ہے۔ اروناچل پردیش میں ووٹوں کی گنتی صبح 8 بجے کے بجائے 6 بجے شروع ہوئی۔ سب سے پہلے پوسٹل بیلٹ کی گنتی کی جا رہی ہے۔ بی جے پی کے 10 امیدوار بلا مقابلہ منتخب ہوچکے ہیں۔ اس لیے 60 میں سے 50 اسمبلی سیٹوں کے نتائج آج سامنے آئیں گے۔ 2019 میں 41 سیٹیں جیتنے والی بی جے پی نے تمام 60 سیٹوں پر امیدوار کھڑے کیے ہیں۔ کانگریس نے 34 سیٹوں پر الیکشن لڑا۔ وہیں سکم میں، حکمراں جماعت سکم کرانتی کاری مورچہ جو کہ سکم ڈیموکریٹک فرنٹ (SDF) کے ساتھ بڑے پیمانے پر دو رخی مقابلے میں ہے – 32 اسمبلی سیٹوں کے لیے ووٹوں کی گنتی کے بعد مسلسل دوسری بار اقتدار میں آنے کی امید کر رہی ہے۔ دونوں جماعتوں نے تمام 32 سیٹوں پر امیدوار کھڑے کیے ہیں۔ بی جے پی نے 31 امیدوار کھڑے کیے ہیں اور نئی پارٹی سی اے پی-ایس -S (سٹیزن ایکشن پارٹی-سکم) نے 30 سیٹوں پر مقابلہ کیا۔ کانگریس 12 سیٹوں پر الیکشن لڑ رہی ہے۔