امت نیوز ڈیسک //
سری نگر، 20 جون :- شمالی کشمیر کے بانڈی پورہ ضلع کے واٹہ پورہ علاقے میں جمعرات کی دوپہر کو ایک ٹریکٹر الٹ جانے سے ڈرائیور اپنی جان سے ہاتھ دھو بیٹھا۔
ایک اہلکار نے نیوز ایجنسی کشمیر اسکرول کو بتایا کہ بون واٹہ پورہ بانڈی پورہ کے رہائشی عاشق حسین لون (22) ولد محمد سبحان لون ٹریکٹر چلا رہا تھا جب وہ بون واٹہ پورہ کے مقام پر الٹ گیا۔
انہوں نے بتایا کہ اس واقعہ میں ڈرائیور کی موقع پر ہی موت ہو گئی۔
انہوں نے کہا کہ پولیس نے نوٹس لے کر تفتیش شروع کر دی ہے۔(کشمیر اسکرول )
