امت نیوز ڈیسک //
قومی سالمیت کیلئے ہر ملک کا ہر شہری شیاما پرساد مکھرجی کا مقروض ہے کی بات کرتے ہوئے وزیر داخلہ امیت شاہ نے کہا کہ انہوں نے ایک نشان، ایک پردھان، ایک ودھان کی قرارداد کے ساتھ جموں و کشمیر کو ہندوستان کا اٹوٹ انگ رکھنے کیلئے سب سے بڑی قربانی دے ہیں ۔ انہوں نے مزید کہا کہ انہوں نے ایک متحد ہندوستان کا خواب دیکھا،یہ ہماری خوش قسمتی ہے کہ بی جے پی وزیر اعظم نریندر مودی کی قیادت میں، ان کے خواب کو پورا کرنے میں کامیاب رہی ہے۔سی این آئی کے مطابق وزیر داخلہ امت شاہ نے بھارتیہ جن سنگھ کے بانی ڈاکٹر شیاما پرساد مکھرجی کو ان کی یوم پیدائش پر خراج عقیدت پیش کیا۔ وزیر نے کہا کہ ہر ہندوستانی مکھرجی کا ”ملک کی سالمیت کے لئے ان کی منفرد کوششوں “کا مقروض ہے۔انہوں نے ایکس پر لکھا ”میں ممتاز قوم پرست مفکر ڈاکٹر شیاما پرساد مکھرجی کو ان کی یوم پیدائش پر یاد کرتا ہوں اور انہیں خراج تحسین پیش کرتا ہوں۔ جب بھی ملک کے اتحاد اور سالمیت کے لیے لڑنے کی بات کی جائے گی، ڈاکٹر مکھرجی کو ضرور یاد رکھا جائے گا“۔ انہوں نے مزید لکھا ”چاہے وہ بنگال کو ملک کا حصہ بنائے رکھنے کی جدوجہد ہو یا ’ایک نشان، ایک پردھان، ایک ودھان ‘کی قرارداد کے ساتھ جموں و کشمیر کو ہندوستان کا اٹوٹ انگ رکھنے کے لیے سب سے بڑی قربانی دے، ہر ہندوستانی ان کا مقروض ہے۔ ملک کی سالمیت کے لیے ان کی منفرد کاوشوں کے لیے۔ ڈاکٹر شیاما پرساد مکھرجی، جنہوں نے جن سنگھ کا قیام کرکے ملک کو ایک نظریاتی متبادل فراہم کیا، وہ ہمیشہ کے لیے سب سے پہلے قوم کے راستے پر رہنما رہیں گے“۔انہوں نے کہا کہ ڈاکٹر سیاما پرساد مکھرجی ایک آئیڈیا ہیں۔ انہوں نے ملک کو جو پیغام دیا وہ یہ تھا کہ ایک قوم میں ’نشان‘، ’ودھان‘ اور ’پردھان‘ نہیں ہوسکتا۔ ان کی قرارداد کو وزیر اعظم نریندر مودی نے 5 اگست 2019 کو پورا کیا۔بی جے پی کے رکن پارلیمنٹ بنسوری سوراج نے کہا کہ مکھرجی ایک ایسے رہنما تھے جنہوں نے ہندوستان کے انضمام کے لیے اپنی جان قربان کی۔انہوں نے کہا ”ڈاکٹر سیاما پرساد مکھرجی ایک ایسے رہنما ہیں جنہوں نے ہمارے ملک کے انضمام کے لیے اپنی جان قربان کی۔ انہوں نے ایک متحد ہندوستان کا خواب دیکھا، یہ ہماری خوش قسمتی ہے کہ بی جے پی، پی ایم نریندر مودی کی قیادت میں، ان کے خواب کو پورا کرنے میں کامیاب رہی ہے“۔شیاما پرساد مکھرجی بھارتیہ جن سنگھ کے بانی تھے، جو بی جے پی کی نظریاتی بنیادی تنظیم ہے۔ انہوں نے وزیر اعظم جواہر لعل نہرو کی کابینہ میں صنعت اور سپلائی کے وزیر کے طور پر بھی خدمات انجام دیں۔
