امت نیوز ڈیسک //
راجوری، 07 جولائی :- اتوار کو راجوری ضلع کے ایک گاؤں میں ملی ٹینٹوں کی ایک کیمپ پر فائرنگ سے ایک فوجی زخمی ہوگیا۔
سرکاری ذرائع نے نیوز ایجنسی کشمیر اسکرول کو بتایا کہ جنگجوؤں نے اتوار کی علی الصبح منجاکوٹ علاقے کے گاؤں گالوتھی میں علاقائی فوج کی سنتری پوسٹ پر فائرنگ کی جس کا جوابی کارروائی کی گئی۔
انہوں نے بتایا کہ فائرنگ کے تبادلے کے دوران ایک فوجی زخمی ہوا جبکہ ملی ٹینٹ موقع سے فرار ہونے میں کامیاب ہو گئے۔
انہوں نے مزید کہا کہ فائرنگ کے تبادلے کے فوراً بعد علاقے میں چھپے ہوئے ملی ٹینٹوں کا سراغ لگانے کے لیے بڑے پیمانے پر سرچ آپریشن شروع کیا گیا۔(کشمیر اسکرول )
