امت نیوز ڈیسک //
سر ینگر، 07 جولائی: شمالی کشمیر کے بارہمولہ ضلع کے سوپور قصبے کی کرنکشیون کالونی میں ہفتہ کی دیر رات ایک سڑک حادثے میں نوجوان اور ایک اور شخص شدید زخمی ہونے کے بعد زخموں کی تاب نہ لاتے ہوئے چل بسا۔
اطلاعات کے مطابق دو نوجوانوں کی شناخت عمران احمد بٹ (16) ولد ریاض احمد بٹ اور عدنان شوکت گنائی (20) ولد شوکت احمد گنائی کے طور پر ہوئی ہے جو دونوں کرنکشیون کے رہنے والے ہیں، بائک اور گاڑی کے تصادم کے نتیجے میں زخمی ہوئے۔
زخمیوں کو فوری طور پر سب ڈسٹرکٹ ہسپتال سوپور منتقل کیا گیا، جہاں سے انہیں سکمز، سری نگر ریفر کر دیا گیا۔
بدقسمتی سے عدنان شوکت گنائی زخموں کی تاب نہ لاتے ہوئے ہفتہ کی شام چل بسا۔ پولیس نے واقعہ کا نوٹس لیتے ہوئے مقدمہ درج کرلیا ہے۔
