امت نیوز ڈیسک //
جموں، 08 جولائی: پیر کو کٹھوعہ میں عسکریت پسندوں کے حملے میں پانچ فوجی زخمی ہوئے، جن میں سے دو کی حالت نازک ہے۔ ذرائع نے جی این ایس کو بتایا کہ جنگجوؤں نے بدنوٹا علاقے کے قریب فوج کی گشتی پارٹی کو نشانہ بنایا جس سے پانچ فوجی زخمی ہو گئے۔
شدید زخمی فوجیوں میں سے دو کو جدید علاج کے لیے سب ڈسٹرکٹ ہسپتال بلاور منتقل کر دیا گیا ہے جبکہ باقی تین اہلکاروں کو مقامی ہسپتال میں داخل کرایا گیا ہے۔
انہوں نے بتایا کہ حملے کے فوراً بعد پولیس اور فوج کی کمک علاقے میں پہنچ گئی اور حملہ آوروں کو پکڑنے کے لیے بڑے پیمانے پر محاصرے اور تلاشی کی کارروائی شروع کر دی گئی۔
