امت نیوز ڈیسک //
جموں، 08 جولائی: کٹھوعہ ضلع میں پیر کو جنگجوؤں کے حملے میں ایک جونیئر کمیشنڈ آفیسر (جے سی او) سمیت چار فوجیوں کی موت ہو گئی جبکہ چھ دیگر زخمی ہو گئے۔
سرکاری ذرائع نے جی این ایس کو بتایا کہ عسکریت پسندوں نے ضلع کے بڈنوٹا علاقے کے قریب فوج کی گشتی پارٹی پر حملہ کیا، جس میں ایک جے سی او سمیت چار فوجی ہلاک ہو گئے جبکہ چھ دیگر زخمی ہو گئے جن کا علاج چل رہا ہے۔
انہوں نے بتایا کہ حملے کے فوراً بعد پولیس اور فوج کی کمک علاقے میں پہنچ گئی اور حملہ آوروں کو پکڑنے کے لیے بڑے پیمانے پر محاصرے اور تلاشی کی کارروائی شروع کر دی گئی۔
مزید تفصیلات کا انتظار ہے۔
