امت نیوز ڈیسک //
پونچھ، 09 جولائی: ضلع پونچھ میں منگل کو بجلی کا جھٹکا لگنے سے ایک لڑکی کی جان چلی گئی جبکہ 11 دیگر زخمی ہو گئے۔
ایک اہلکار نے نیوز ایجنسی کشمیر اسکرول کو بتایا کہ ضلع پونچھ میں بجلی کا جھٹکا لگنے سے ایک لڑکی کی موت ہو گئی اور 11 دیگر زخمی ہو گئے۔
انہوں نے بتایا کہ لڑکیاں مدرسہ میں کھیل رہی تھیں کہ بجلی کا تار گر گیا اور 12 لڑکیوں کو بجلی کے جھٹکے لگے۔ لڑکیوں کو ڈسٹرکٹ ہسپتال پونچھ منتقل کیا گیا جہاں ڈاکٹروں نے ایک لڑکی کو مردہ قرار دیا۔
میڈیکل سپرنٹنڈنٹ نے نیوز ایجنسی کشمیر اسکرول کو بتایا کہ دیگر لڑکیوں کو معمولی چوٹیں آئی ہیں اور انہیں جلد ہی ڈسچارج کر دیا جائے گا۔ دریں اثنا پولیس نے نوٹس لیتے ہوئے تفتیش شروع کر دی ہے۔(کشمیر اسکرول )
