امت نیوز ڈیسک //
سری نگر، 27 جولائی:شمالی کشمیر کے کپواڑہ ضلع کے تریہگام علاقے میں کمکڈی پوسٹ کے قریب ہفتہ کو جنگجوؤں اور سیکورٹی فورسز کے درمیان فائرنگ کے تبادلے کی اطلاع ملی۔
ایک اعلیٰ پولیس افسر نے جی این ایس کو بتایا کہ کمکڈی پوسٹ کے قریب تلاشی کے دوران سیکورٹی فورسز کو عسکریت پسندوں کی نقل و حرکت کا پتہ چلا۔ انہوں نے کہا کہ جب سیکورٹی فورسز نے عسکریت پسندوں کو للکارا، تو انہوں نے پارٹی پر گولی چلائی، جس کا مؤثر طریقے سے جوابی کارروائی کی گئی اور فائرنگ شروع ہو گئی۔
رپورٹ درج ہونے تک علاقے میں آپریشن جاری تھا۔
