امت نیوز ڈیسک //
جنوبی کشمیر کے ضلع اننت ناگ میں اتوار کی دوپہر ایک سڑک حادثے میں ایک 12 سالہ لڑکا ازجان ہوگیا۔
جی این ایس تک پہنچنے والی اطلاعات میں کہا گیا ہے کہ آج آکورا مٹن میں ایک نابالغ کو ٹریکٹر نے ٹکر مار دی۔ لڑکے کو تشویشناک حالت میں فوری طور پر پی ایچ سی متن منتقل کیا گیا، جہاں سے اسے جی ایم سی اننت ناگ ریفر کر دیا گیا۔ تاہم مذکورہ زخمی لڑکا ڈی ایچ اننت ناگ منتقل کرنے کے دوران زخموں کی تاب نہ لاتے ہوئے دم توڑ گیا۔
دریں اثناء ایک پولیس اہلکار نے بھی جی این ایس کو واقعے کی تصدیق کرتے ہوئے کہا کہ اس سلسلے میں مزید تحقیقات کے لیے مقدمہ درج کر لیا گیا ہے۔
