سرینگر میں شخص پر بلے سے حملہ ،بری طرح زخمی، دو افراد گرفتار

امت نیوز ڈیسک //
سری نگر – سری نگر پولیس نے جمعہ کو کہا کہ اس نے دو افراد کو گرفتار کیا جنہوں نے مبینہ طور پر نوگام کے میدان کھاہ علاقے میں ایک شخص کو کرکٹ کے بلے سے پیٹا گیا۔

پولیس کا کہنا ہے کہ معاملے کی تفتیش شروع کر دی گئی ہے اور دو ملزمان کو گرفتار کر لیا گیا ہے جبکہ دیگر ملزمان کی گرفتاری کے لیے کوششیں جاری ہیں۔

سرینگر پولیس نے ایکس پر ایک پوسٹ میں لکھا کہ”پولیس نے ایک واقعے کا نوٹس لیا ہے جس کے نتیجے میں نوگام کے میدان کھاہ میں کرکٹ کے بلے سے پیٹنے پر ایک شخص کو شدید چوٹیں آئیں۔ ایف آئی آر نمبر 74/2024 کے تحت 191(2)، 191(3)، 126(2)، 131، 109 بی این ایس پولیس تھانہ نوگام میں درج ہے،”۔

سٹیشن ہاؤس آفیسر (ایس ایچ او) نوگام، مسیر اصغر نے بتایا کہ متاثرہ شخص اس وقت ایس ایم ایچ ایس اسپتال میں زیر علاج ہے۔ انہوں نے کہا، وہ اور ان کی ٹیم دیگر ملزمان کی تلاش میں ہے۔