امت نیوز ڈیسک //
سری نگر، 27 ستمبر : شمالی کشمیر کے بارہمولہ ضلع کے اوڑی علاقے میں جمعہ کو ایک سڑک حادثے میں کم از کم 20 افراد زخمی ہو گئے۔
عہدیداروں نے جی این ایس کو بتایا کہ تاج محی الدین کی ریلی کے دوران ایک گاڑی جو کہ ریلی کا حصہ تھی کمل کوٹ سے اوڑی آرہی تھی کہ سلام آباد علاقہ کے قریب حادثہ کا شکار ہوگیا۔ اس واقعے میں 20 افراد زخمی ہوئے جن میں سے 4 کی حالت نازک بتائی جاتی ہے۔
انہوں نے بتایا کہ تمام بیس زخمیوں کو قریبی اسپتال منتقل کیا گیا، جہاں سے چار کی حالت نازک ہے جنہیں جدید علاج کے لیے جی ایم سی بارہمولہ ریفر کیا گیا ہے۔
اس دوران ایک سینئر پولیس افسر نے جی این ایس کو بتایا کہ اس سلسلے میں ایف آئی آر درج کر لی گئی ہے اور تحقیقات شروع کر دی گئی ہیں۔
