امت نیوز ڈیسک //
سری نگر: حکام کے مطابق کائونٹر انٹلی جنس کشمیر (سی آئی کے) نے منگل کی صبح وادی کشمیر کے کئی اضلاع میں چھاپے مار کر ملی ٹنٹوں کے ایک نئے بھرتی ماڈیول کا پردہ فاش کیا۔
یہ چھاپے سری نگر، گاندربل، بڈگام، بانڈی پورہ، کولگام،پلوامہ اور اننت ناگ میں مارے جارہے ہیں۔ایک ترجمان نے اپنے ایک بیان میں کہا کہ سی آئی کے نے منگل کی صبح وادی کے کئی اضلاع میں چھاپے مار رہی ہے۔
انہوں نے کہا: ’اس دوران ایک بھرتی کرنے والے ماڈیول جو ایک نئی ملی ٹینٹ تنظیم ’تحریک لبیک یا مسلم‘ کی طرف سے چلایا جا رہا ہے، کا پردہ فاش کر دیا‘۔
چھاپوں کے دوران چودہ موبائل فون ،ایک لیپ ٹاپ اور کچھ ممنوعہ مواد سمیت سات مشتبہ افراد کو حراست میں لیا گیا ہے۔
بتایا جا رہا ہے یہ تنظیم لشکر طیبہ کی ایک شاخ ہے جس کا سر براہ پاکستان میں مقیم ہینڈلر بابا حماس ہے۔
اس سلسلے میں مزید تفصیلات کا انتظار ہے۔
