ملی ٹینسی سے روابط کے الزام میں دو سرکاری ملازمین برطرف

امت نیوز ڈیسک //
سری نگر، 29 نومبر: جموں و کشمیر نے ملی ٹینسی سے تعلق رکھنے کے الزام میں مزید دو ملازمین کو ان کی خدمات سے برطرف کر دیا ہے، جن میں ایک استاد اور ایک فارماسسٹ بھی شامل ہے۔

اعلیٰ سرکاری ذرائع نے نیوز ایجنسی، کشمیر نیوز آبزرور کو بتایا کہ یہ کارروائی بھارتی آئین کے آرٹیکل 311 کے تحت کی گئی ہے۔ انہوں نے کہا کہ ان ملازمین میں محکمہ صحت اور میڈیکل ایجوکیشن کے فارماسسٹ عبدالرحمن نائکا اور محکمہ سکول ایجوکیشن میں استاد ظاہر عباس شامل ہیں۔

پچھلے کچھ مہینوں کے دوران، لیفٹیننٹ گورنر کی قیادت والی انتظامیہ نے کئی سرکاری ملازمین کو مرکز کے زیر انتظام علاقے میں ملی ٹینسی سے تعلق رکھنے پر ان کی خدمات سے برطرف کر دیا ہے۔