امت نیوز ڈیسک //
یروشلم: اسرائیل نے غزہ کی پٹی سے تین یرغمالیوں کی رہائی کے بدلے فلسطینی تحریک حماس کے ساتھ معاہدے کے تحت 90 فلسطینی خواتین قیدیوں کو رہا کر دیا ہے۔ روزنامہ اخبار ٹائمز آف اسرائیل نے اسرائیلی جیل انتظامیہ کے حوالے سے یہ اطلاع دی ہے۔
اسرائیل میں یرغمالیوں کی رہائی کیلئے 7 لاکھ افراد کا احتجاجی مظاہرہ
نتن یاہو کے استعفیٰ تک پارلیمنٹ کے سامنے احتجاج جاری رہے گا: اسرائیلی مظاہرین
ایک روز قبل مصر کی سرکاری نیوز سروس نے اطلاع دی تھی کہ اسرائیل جلد ہی حماس کے قبضے سے تین اسرائیلی یرغمالیوں کی رہائی کے بدلے 90 فلسطینی قیدیوں کو رہا کرے گا۔
القسام بریگیڈ (حماس کی عسکری ونگ) نے پہلے کہا تھا کہ انہوں نے اسرائیل کے ساتھ معاہدے کے تحت اتوار کے روز تینوں مغویوں کو رہا کرنے کا فیصلہ کیا ہے۔
اسرائیلی فوج نے بعد میں اطلاع دی کہ انٹرنیشنل کمیٹی آف ریڈ کراس (آئی سی آر سی) نے یرغمالیوں کو اسرائیلی فوج کے حوالے کر دیا تھا جس کے بعد تینوں لڑکیاں اسرائیل پہنچ گئیں۔
جس کے بعد وہ پہلے استقبالیہ مرکز پہنچی، جہاں انہیں اپنے کچھ رشتہ داروں کے ساتھ ملایا گیا، اور پھر انہیں اسرائیل کے شیبا اسپتال لے جایا گیا۔
