امت نیوز ڈیسک //
سری نگر، 5 فروری: ریاستی تحقیقاتی ایجنسی (SIA) جموں کی ایک ٹیم نے مقامی پولیس کے ساتھ مل کر بدھ کو سری نگر اور بڈگام میں دو مقامات پر چھاپے مارے۔
سرکاری ذرائع نے کشمیر ڈاٹ کام کو بتایا کہ نورباغ کی پامپوش کالونی میں منظور احمد خان ولد نور محمد کی رہائش گاہ پر ایس آئی اے کے اہلکاروں نے پولیس کے ساتھ چھاپہ مارا۔ خان پیشے کے اعتبار سے کار ڈیلر کے طور پر جانا جاتا ہے۔
ایک اور چھاپہ بڈگام کے ٹھوکر پورہ میں جاوید احمد راتھر ولد عبدالرحمان راتھر کے گھر پر مارا گیا جو پیشہ سے ایک تاجر ہے۔ دونوں مقامات پر چھاپے ختم ہو چکے ہیں، لیکن حکام نے ان کے مقصد کے حوالے سے مزید تفصیلات ظاہر نہیں کیں۔ مزید تفصیلات کا انتظار ہے۔ (کے ڈی سی)
