ریاستی درجے کی بحالی سے جموں کشمیر میں ملی ٹینسی ختم نہیں ہو سکتی : ڈاکٹر فاروق

امت نیوز ڈیسک //
سری نگر، 12 فروری: نیشنل کانفرنس کے صدر ڈاکٹر فاروق عبداللہ نے بدھ کے روز کہا کہ جموں و کشمیر کو ریاست کا درجہ بحال کرنے کے باوجود بھی ملی ٹینسی ختم نہیں ہوگی اور اسے عوام کی حمایت کی ضرورت ہے۔

نیوز ایجنسی – کشمیر نیوز آبزرور (کے این او) کے مطابق صحافیوں سے بات کرتے ہوئے فاروق عبداللہ نے کہا کہ ریاست کا مسئلہ کئی سالوں سے موجود ہے۔

انہوں نے کہا، "اگر ریاست کا درجہ بحال ہو جائے اور ہمیں سب کچھ مل جائے گا، لیکن کیا لوگ سمجھتے ہیں کہ اس سے یہاں ملی ٹینسی ختم ہو جائے گی۔ جو لوگ بڑے بڑے دعوے کرتے رہے ہیں کہ یہاں ملی ٹینسی ختم ہو گئی ہے، ان سے پوچھیں کہ یہ اب بھی ہے یا نہیں؟۔

انہوں نے کہا کہ ”ہمیں جموں و کشمیر میں معمولات کو بحال کرنے کے لیے لوگوں کی مدد کی ضرورت ہے۔ یہ وقت ہے کہ ہمیں امن قائم کرنا چاہیے۔ “