امت نیوز ڈیسک //
بانڈی پورہ، 28 فروری: شمالی کشمیر کے بانڈی پورہ ضلع کے حاجن علاقے میں جمعرات-جمعہ کی درمیانی رات کو لگنے والی زبردست آگ میں ایک رہائشی مکان اور آٹھ دکانیں خاکستر ہوئی ہیں۔
ایک اہلکار نے نیوز ایجنسی – کشمیر نیوز آبزرور کو بتایا کہ آگ رہائشی ڈھانچے میں سے ایک میں لگی اور بعد میں ایک قریبی دکان تک پھیل گئی، جس کے نتیجے میں ایک رہائشی مکان اور آٹھ دکانیں مکمل طور پر تباہ ہو گئیں۔
انہوں نے کہا کہ مقامی لوگوں، فائر اینڈ ایمرجنسی ڈیپارٹمنٹ اور مقامی پولیس کی کوششوں نے آگ کو مزید پھیلنے سے روک دیا۔
اہلکار نے کہا کہ اس واقعے میں کوئی جانی یا زخمی نہیں ہوا۔ تاہم آگ لگنے کی وجہ کی تحقیقات کی جا رہی ہیں۔(کے این او )
