امت نیوز ڈیسک //
سری نگر، 17 مارچ : کپواڑہ ضلع میں پیر کو سیکورٹی فورسز اور ملی ٹینٹوں کے درمیان تصادم ہوا۔ ایک اعلیٰ پولیس اہلکار نے خبر رساں ایجنسی جے کے این ایس کو بتایا کہ کپواڑہ ضلع کے کرمبھورہ، زچلڈارہ راجوار میں ملی ٹینٹوں کے چھپے ہونے کے بارے میں مخصوص اطلاعات پر فورسز کی ایک مشترکہ ٹیم نے تلاشی مہم شروع کی۔
انہوں نے کہا کہ تلاشی آپریشن کے دوران چھپے ہوئے ملی ٹینٹوں نے سیکورٹی فورسز پر فائرنگ کی جس کے جواب میں انکاؤنٹر شروع ہوا۔
اس واقعہ میں دو سے تین ملی ٹینٹوں کے پھنسے ہونے کا خدشہ ہے۔ مزید تفصیلات کا انتظار ہے۔ (جے کے این ایس)
