امت نیوز ڈیسک //
لیہہ: مرکز کے زیر انتظام علاقے لداخ میں پیر کی صبح زلزلے کے جھٹکے محسوس کیے گئے۔ نیشنل سینٹر فار سیسمولوجی (این سی ایس) کے مطابق ریکٹر اسکیل پر زلزلے کی شدت 3.6 ریکارڈ کی گئی۔
نیشنل سینٹر فار سیسمولوجی نے ایک پوسٹ میں کہا کہ لداخ کے لیہہ میں 24 مارچ 2025 کو صبح 04:32:58 (IST) پر 3.6 شدت کا زلزلہ محسوس کیا گیا، جس کا مرکز زمین سے 10 کلومیٹر کی گہرائی میں تھا۔
زلزلے کے جھٹکوں کو محسوس کرتے ہی لوگ اپنے اپنے گھروں سے باہر نکل آئے۔ تا حال زلزلے سے کسی قسم کے نقصان کی اطلاع نہیں ہے۔
تین دن پہلے 21 مارچ کو آسام کے کیچھر میں زلزلے کے جھٹکے محسوس کیے گئے تھے۔ اس کی شدت 3.2 ناپی گئی۔ یہ زلزلہ شام 6:35 بجے کے قریب آیا۔ اس کا مرکز زمین کے نیچے 25 کلومیٹر کی گہرائی میں تھا۔
