امت نیوز ڈیسک //
بارہمولہ، 10 اپریل: شمالی کشمیر کے بارہمولہ ضلع کے چنار کالونی تلگام پٹن علاقے میں جمعرات کو بجلی کا جھٹکا لگنے سے ایک 29 سالہ شخص کی موت ہو گئی۔
ایک اہلکار نے خبر رساں ایجنسی جے کے این ایس کو بتایا کہ یہ شخص جو کہ پیشے سے ٹپر ڈرائیور تھا، ایک بجلی تار سے رابطے میں آنے کے بعد شدید زخمی ہو گیا۔ اسے فوری طور پر سب ڈسٹرکٹ اسپتال پٹن لے جایا گیا، جہاں ڈاکٹروں نے اسے مردہ قرار دیا۔
متوفی کی شناخت توصیف احمد شیخ ولد غلام محی الدین شیخ ساکن ولرامن چندوسہ کے بطور ہوئی ہے۔
حکام نے واقعے کا نوٹس لے لیا ہے۔ (جے کے این ایس)
