امت نیوز ڈیسک //
رامبن، 04 مئی: اتوار کو رامبن ضلع کے بیٹری چشمہ علاقے میں فوجی گاڑی گہری کھائی میں گرنے سے دو اہلکار ہلاک ہو گئے۔
سرکاری ذرائع نے خبر رساں ایجنسی جے کے این ایس کو بتایا کہ گاڑی، جس میں دو اہلکار سوار تھے، آج صبح حادثے کا شکار ہو گئے۔ واقعے کے فوری بعد آرمی اور سول انتظامیہ کی امدادی ٹیمیں موقع پر پہنچ گئیں۔
تاہم، جب تک ریسکیو ٹیمیں گھاٹی کی تہہ تک پہنچیں، دونوں جوان مردہ پائے گئے۔
حادثے کی وجہ تاحال معلوم نہیں ہوسکی ہے واقعے کا نوٹس لیتے ہوئے مزید تفتیش شروع کردی گئی ہے۔ (جے کے این ایس)
