امت نیوز ڈیسک //
نئی دہلی: وزیر خارجہ ایس جے شنکر نے بدھ کے روز جاپان، جرمنی اور اسپین کے اپنے ہم منصبوں سے ٹیلیفون پر بات چیت کی۔ جے شنکر نے انہیں پاکستان اور پاکستان کے زیر قبضہ کشمیر (پی او کے) میں ملی ٹینٹوں کے ٹھکانوں پر ہندوستان کی فضائی کارروائیوں سے آگاہ کیا۔
دوسری طرف، امریکی صدر ڈونلڈ ٹرمپ اور اقوام متحدہ کے سیکریٹری جنرل انتونیو گوتریس سمیت کئی عالمی رہنماؤں نے دونوں ممالک سے تحمل کا مظاہرہ کرنے کی اپیل کی ہے۔
جے شنکر نے جاپان کے وزیر خارجہ تاکیشی ایوایا سے فون پر بات کرتے ہوئے کہا: آج صبح سرحد پار ملی ٹینٹوں کے ڈھانچے پر کی گئی کارروائی پر گفتگو ہوئی۔ 22 اپریل کے ملی ٹینٹوں حملے کی سخت مذمت کرنے پر جاپان کا شکریہ۔
فرانس کے وزیر خارجہ جین نوئیل بیرو اور جرمنی کے جوہان وادیفُل سے مشترکہ بات چیت کے بعد جے شنکر نے کہا: پہلگام حملے کے بعد یکجہتی اور حمایت پر شکریہ۔ دہشت گردی کے خلاف صفر برداشت کا رویہ ضروری ہے۔” اسپین کے وزیر خارجہ جوز مانوئل الباریس سے گفتگو کے بعد جے شنکر نے کہا: سرحد پار دہشت گردی پر ہندوستان کے مؤثر اور متوازن ردعمل پر تبادلہ خیال کیا گیا۔
