امت نیوز ڈیسک//
جموں: بارڈر سکیورٹی فورس (بی ایس ایف) کے سب انسپکٹر محمد امتیاز ہفتہ کو جموں ضلع کے آر ایس پورہ سیکٹر میں بین الاقوامی سرحد کے ساتھ پاکستانی گولہ باری میں ازجان ہوگئے۔
محمد امتیاز 8 اور 9 مئی کی درمیانی شب گولہ باری سے زخمی ہوئے تھے۔
بی ایس ایف جموں نے ٹویٹر پر ایک پوسٹ میں کہا، "ہم 10 مئی 2025 کو آر ایس پورہ سیکٹر، ضلع جموں میں بین الاقوامی سرحد پر سرحد پار فائرنگ کے دوران بی ایس ایف کے بہادر سب انسپکٹر محمد امتیاز کی قوم کی خدمت میں دی گئی عظیم قربانی کو سلام پیش کرتے ہیں۔ بی ایس ایف کی سرحدی چوکی کی سربراہی کرتے ہوئے، انہوں نے بہادری سے فرنٹ لائن پر قیادت کی۔”
پوسٹ میں مزید کہا گیا ہے کہ بی ایس ایف کے ڈائریکٹر جنرل اور تمام رینک ان کے اہل خانہ کے تئیں اپنی گہری تعزیت کا اظہار کرتے ہیں۔ اتوار کو جموں کے پالورہ میں واقع فرنٹیئر ہیڈ کوارٹر میں پورے فوجی اعزاز کے ساتھ پھول چڑھانے کی تقریب منعقد کی جائے گی۔
سب انسپکٹر امتیاز آئی بی پر پاکستانی گولہ باری کے وقت اپنے یونٹ کی قیادت کر رہے تھے اور انہوں نے مثالی جرأت اور فرض شناسی کا مظاہرہ کیا۔
