امت نیوز ڈیسک //
شوپیاں : بھارت پاکستان کے بیچ جنگ بندی کے بعد جہاں سرحدی خطوں میں حالات معمول پر آنے لگے ہیں وہیں اب سرکاری ادارے اور ایجنسیاں پہلے کی طرح ایک بار پھر سرگرم ہو گئی ہیں۔ آج علی الصبح جنوبی کشمیر کے اضلاع کلگام اور شوپیان کے مختلف علاقوں میں چھاپے مار کارروائیاں انجام دی گئیں۔
اسٹیٹ انویسٹیگیشن ایجنسی کی جانب سے مختلف علاقوں میں بڑے پیمانے پر چھاپے مارے گئے۔ یہ کارروائیاں دیگر سکیورٹی فورسز کے ساتھ مل کر انجام دی گئیں۔
ذرائع کے مطابق، کلگام ضلع کے ہوم شالی بک علاقے میں چھاپے مارے گئے، جب کہ شوپیان ضلع کے مجھ مرگ زین پورہ، وین امام صاحب اور ربن شوپیان علاقوں میں بھی ایس آئی اے نے کارروائی کی۔
ابھی تک یہ بات پوری طرح واضح نہیں ہو سکی ہے کہ ان چھاپوں کا مقصد کیا تھا، نہ ہی کسی گرفتاری یا کسی چیز کی ضبطی کی تصدیق ہوئی ہے۔ تاہم امکان ظاہر کیا جا رہا ہے کہ یہ چھاپے عسکریت پسندی سے جڑے معاملے میں مارے گئے ہیں۔ حالانکہ اس سلسلے میں ابھی تک کوئی سرکاری بیان سامنے نہیں آیا ہے۔
