امت نیوز ڈیسک //
نئی دہلی: ہندوستان اور پاکستان کے ڈائریکٹر جنرل ملٹری آپریشنز نے پیر کو بات چیت کی۔ خبر رساں ایجنسی پی ٹی آئی کے مطابق معلوم ہوا ہے کہ دونوں ڈی جی ایم اوز نے 10 مئی کو فریقین کے درمیان فوجی کارروائی اور فائرنگ روکنے کے لیے طے پانے والے معاہدے کے مختلف پہلوؤں پر تبادلہ خیال کیا۔ بھارت کی جانب سے ڈی جی ایم او لیفٹیننٹ جنرل راجیو گھئی نے بات کی۔
بھارتی فوج کے ڈی جی ایم او لیفٹیننٹ جنرل راجیو گھئی اور پاکستانی فوج کے ڈی جی ایم او میجر جنرل کاشف عبداللہ کے درمیان ہاٹ لائن پر بات چیت ہوئی۔ ذرائع نے بتایا کہ پاکستانی ڈی جی ایم او نے کہا کہ پاک فوج جنگ بندی معاہدے کی خلاف ورزی نہیں کرے گی۔
آپ کو بتاتے چلیں کہ ہاٹ لائن پر یہ بات چیت پہلے دوپہر 12 بجے ہونے والی تھی۔ لیکن یہ گفتگو شام پانچ بجے شروع ہوئی۔
پاکستان نے 10 مئی کو جنگ بندی کی تجویز دی تھی
بھارت اور پاکستان کے ڈی جی ایم اوز کے درمیان بات چیت میں جنگ بندی پر اتفاق کیا گیا۔ اس کے بعد دونوں ممالک نے 10 مئی کی شام 5 بجے سے ایک دوسرے کے خلاف فوجی کارروائی روکنے کا فیصلہ کیا۔
